LAN KOOPERATIBOA
Kagan egiturak. Lan kooperatiboa, inklusio egoki baterako teknika gisa.
Spencer Kaganen proposamena lan kooperatiboa eraginkorki antolatzean oinarritzen da, curriculumeko gai konplexuak modu generikoan lantzea ahalbidetzen duten egituren bitartez.
Ikaskuntza kooperatiboa, berez, ikasleen parte hartze eta lankidetza mailak handitzeko diseinatuta dago.
Proiektu honetarako darabiltzagun egitura batzuk pentsamendu mota jakin batzuk txertatu eta garatzeko diseinatuta daude; beste batzuk, berriz, ikaslea lotzeko eta trebetasun sozial jakin batzuk estimulatzeko; beste batzuk, askotariko adimenak garatzeko…
Hona hemen ikaskuntza kooperatiboaren oinarriak:
- Ikaskuntzaren zereginak talde lana sustatzen du, eta ikasleek ontzi berean daudela sentitzen dute.
- Ikasle bakoitza bere ekarpen indibidualaren erantzulea da.
- Parte hartzeko berdintasuna dago, eta
- Ikasle asko inplikatzen dira aldi berean.
Oinarri sinple horien bidez, ikasleek lankidetzan jardungo dutela, bakoitzak bere ekarpen independentea egingo duela eta denek berdintasunean eta asko parte hartuko dutela bermatzen da.
Ikaskuntza kooperatiboaren onura nagusiak honako hauek dira: lorpen akademikoak areagotzea, trebetasun sozialak hobetzea, pentsamendu trebetasunak hobetzea, diziplina arazoak murriztea, lidergo trebetasunak eskuratzea, lan bizitzarako prestatzea, autoestimua hobetzea, ikastetxearekiko eta edukiarekiko gustua hobetzea eta errendimendu altuko eta baxuko ikasleen arteko desadostasunak murriztea, goi errendimenduko ikasleen maila murriztu gabe eta errendimendu baxukoen maila handituz.