Bigarren Hezkuntza

Ordutegia 31 ordukoa da, honela banatuta:

Astelehenetan: 8:10-15:15

Asteartetik ostiralera: 8:10-14:20

Bigarren Hezkuntzako ordutegia

Gure familiekin gertutasuna mantentze aldera, honakoa egiten dugu:

1.- FAMILIEKIN BILERAK

Irakasle taldeak familiak elkartzeko datak adierazten ditu eta zirkularra Alexia bidez bidalita egiten dugu deialdia.

Normalean, iraileko bigarren edo hirugarren astean zehar egin ohi dugu deialdia, tutoreek bilera aurretik haien ikasle taldeei buruzko ezagutza handiagoa izan dezaten.

2.- ELKARRIZKETAK FAMILIEKIN

Familiekin topaketak hauetakoren baten eskariz egiten dira:

• Tutorea.
• Irakasle taldeko edozein kidek, ikaslearen gelan aritzen bada.
• Familiek, semearen edo alabaren bidez zuzenean hitzordua eskatuz tutoreari edo intereseko irakasleari.
• Ikastetxeko Zuzendaritzak, Administrazioak eta beste zerbitzu batzuk: ikasturte bakoitzaren hasieran adierazitako ordutegiaren barruan.

3.- EBALUAZIO AKADEMIKOA

Ebaluazioa banakakoa da, iraunkorra, globala eta hezigarria. Zeregin horretan irakasle talde osoak parte hartzen du.

Ebaluazioak kalifikazioen buletin digital batean paratzen ditu tutoreak, eta gure familiek ikastetxeko komunikaziorako plataforman kontsulta dezakete: ALEXIA

Bigarren Hezkuntzako ikasleek istripuetarako eta erantzukizun zibileko aseguru bat dute.

Ikastetxeko Erizaintza Zerbitzuak artatu ezin dituen istripuak horrela bideratuko dira:

1. Clinica Quironen (La Esperanza kalea, 3), DBHko 1. eta 2. maila.
2. SSCCaren bidez Txagorritxun edo Santiago Ospitalean, DBHko 3. eta 4. mailan.

Gure ikasleak elkartasun proiektuaren protagonista bilakatzen dira, etapan zehar egindako elkarbizitzetan eta tailerretan bizitako esperientziak konpartitu ondoren (emozioak, barrentasuna, genero indarkeria, Ikasketa Zerbitzua, …), 4. DBHn “elkartasunezko ikasketa eta zerbitzua" proiektua burutzen dute, haien elkartasuna erakutsiz.

Bigarren Hezkuntzako etapan zehar, Haur Hezkuntzatik lantzen gatozen modura, San Viator Ikastetxeko DBHko ikasleek errefortzudun murgiltze linguistikoa dute.

Alde batetik, lantalde guztiek aurrera daramaten lanari esker (Hizkuntzen Trataera Bateratua HTB), eta hizkuntza mintegiei esker (Euskara Mintegia, Lengua Castellana y literatura Mintegia, English Studies, Frantsesa eta Alemana), hizkuntzen ohiko erabilera sustatzen dugu eta horien arteko oreka bat mantentzen saiatzen gara.

Bestalde, Europako Erreferentzia Marko Bateratuan ezarritako mailak bermatzeko gure ikasleei hainbat jardueratan parte hartzeko eskaintzen diegun aukerari esker: Cambridgeko deialdi ofizialak (S299 Zentro Aztertzaile gisa), atzerriarekin antolatzen ditugun elkartrukeak (Frantzia (Villefranche de Rouergue), Alemania (Hamburg) eta EEBB (batxilergoan)), edo beste entitate batzuekin elkarlanean egiten diren beste jarduera batzuk (Barnetegiak, Gazteitxo, tailerrak…).

Kanpo ebaluazioetatik abiatuz (PISA, diagnostiko probak…), berrikuntza proiektuak sortzen ditugu gai ezberdinen inguruan: ingurumena (laborategiak, Baratza, Agenda 21…), osasuna, kirola eta aisia (Zuhatzara irteerak, eskia…).

Digitalizatze prozesuan murgildurik gaude “Sanvi Digital" proiektuaren bidez. Gure gelak maila digitalean erabat ekipatuta daude, gure ikasle guztiek dute gailu bana (1×1) eta guk, etapa honetako irakasleok, gaurkotze metodologiko iraunkorrean gaude, gure geletan arian-arian aurrera egiten ari gara metodologia aktiboak txertatzeko: lankidetzazko lana (ikasteko lankidetzan ari eta lankidetzan aritzen ikasi), proiektuetan oinarritutako ikaskuntzak (POI), Mindfulness…